Kreu i grupit parlamentar të Lëvizjes Socialiste për Integrim, Petrit Vasili ka reaguar për taksën e pronës që do të paguajnë shqiptarët që prej 1 prillit të këtij viti.
Në një postim në rrjetin social “Facebook” Vasili shkruan se qeveria e oligarkeve ka vendosur që hotelet me 4 dhe 5 yje të përjashtohen dhe të mos paguajnë taksën e pronës, e ndërsa të varfërit po.
Postimi i plotë i Petrit Vasilit:
“Skandali.Paguajne takse prone pensionistet, por jo hotelet me 4 dhe 5 yje.
Qeveria, qe urren te varferit ka vendosur te paguajne taksen e prones pensionistet,por edhe dhjetra mijra familje qe paguhen dhe kane te ardhura shume te pakta.
Qeveria e oligarkeve ka vendosur qe hotelet me 4 dhe 5 yje te perjashtohen dhe te mos paguajne taksen e prones.
S’kane faj hotelet me 4 dhe 5 yje jane shume me te varfer se pensionistet dhe shqiptaret me page minimale.
Shqiptaret jane pa drejtim.”
