Kristian Panuçi, trajneri i Kombëtares Shqiptare të Futbollit ka dalë sot në një konferencë për shtyp, ku ka folur për humbjen në sfidën miqësore ndaj Norvegjisë, si dhe ndeshjen tjetër që do të luajnë ndaj Zvivrës.
“Ishte thjesht një ndeshje një miqësore. Zhvilluam disa eksperimente, për të parë, në qoftë se do të jenë gati për ekipin Kombëtar apo edhe për në qershor.
Më dha shumë mësime një ndeshje e tillë. Nuk më pëlqen asnjëherë të humbas. Kam fjetur shumë pak mbrëmë. Humbja me Norvegjinë ishte një mësim shumë i madh”.
Duke vijuar më tej, ai është ndalur edhe te lojtarët e rinj. “Kam qenë koshient dhe në dijeni të kësaj miqësore. Nuk mendoj që i kam djegur 2 dëmtime. Ka bërë mirë Bare, u ndjeva mirë që u konfrontua me kundërshtarin. Në fund të fundit dua ta ndijë. Qakën e pashë të emocionuar. E dija që do të rrezikoja me Mavrajn edhe Ajetin. Po ishte një miqësore, Ramadani bëri mirë. Edhe Lika punon shumë dhe e vlerësoj si një element që mund të jetë pjesë e skuadrës.
Natyrisht kam sensasionin që me pak kohë në dispozicion do bëjmë diçka ndryshe. Kam disa ide, unë nuk kthehem mbrapa. Është një opsion për të luajtur 4-3-3. Ishte më skuadër kundërshtari. Në miqësoret në Zvicër do të bëjmë disa ndryshime. Nëse do të ishte një ndeshje zyrtare nuk do të luanim kështu”, është shprehur Panuçi.
Strakosha – “Ishte nën presion por ka personalitet. Gaboi pak sa i përket portës. Mes Strakoshës, Berishës dhe Hoxhës e kam thënë dhe rithekson edhe sot që në 2 ndeshjet e ardhshme do luajë një herë njëri dhe njëherë tjetri. Në ndeshjen zyrtare pastaj do ta vendos”.
Shiriti i kapitenit – “Kush ka më shumë ndeshje. Unë vetëm me këtë rregull kam hequr çdo dyshim. Kush ka më shumë prezenca do të jetë kapiten i skuadrës. Natyrisht do më duhet të le Roshin jashtë në Zvicër.
A ka përçarje në skuadër? – “Natyrisht kemi një grup shumë të mirë. Është e qartë që ata që nuk luajnë e kanë me trajnerin, por nuk ndodh vetëm këtu kjo gjë.
Për miqësoret në Zvicër – Natyrisht në respekt të hierarkisë institucionale, është zyrtarizuar një miqësore që do të bëhet publike. Jemi duke punuar për gjetjen e një kundërshtarin tjetër.
Ekipi Kombëtar është një nder këdo. Nëse dikush mendon që dikush nuk ka dëshirë të vijë duhet ta thotë më përpara. Prezenca në Kombëtare është maksimumi i krenarisë.
Për Abazajn dhe Gavazajn – Kur nuk grumbulloj lojtar nga Shqipëria më thoni pse nuk i grumbullon, kur i marr pse i merr. Skuadra përfaqësuesja mbetet niveli maksimal. Unë isha në kontaktet me lojtarët. Mungonin 2 lojtarë. Isha i detyruar ti jepja një çmim në aspektin moral Abazajt. Nëse unë kam mundësi ta ndihmojë Bushin do ta ndihmoj. Në qoftë se Kombëtarja ka nevojë për lojtarë. Do ti marrë gjithmonë.
Grezda i dëmtuar?- Nuk ishte i dëmtuar, se po të qe i dëmtuar nuk do të luante. Futbolli është një sport, që mund të dëmtohesh në stërvitje. Grezda ishte në formë të mirë. Më ndodhi me Berishën, të cilin e falënderoj. U tregua shumë seriozë. Në qoftë se do të kishte problem fizikë Strakosha, do luante Alban Hoxha.
Edhe nëse do të rrinim dy ditë duke luajtur, nuk do të bënim gol kurrë. I vetmi që bënte shkëputjen ishte Grezda. Më shqetësoi gjendja e lojtarëve dhe pasimet në mesfushë. Janë shumë lojtarë që nuk luajnë.
