Ka spekulime në rritje se një zyrtar i lartë i Koresë së Veriut i cili ka ardhur papritur në Pekin është udhëheqësi suprem Kim Jong-un.
Media fillimisht njoftoi se një figurë e profilit të lartë kishte ardhur nëpërmjet një treni diplomatik të Koresë së Veriut dhe u takua nën kushte të larta sigurie.
Koreja e Jugut tha se nuk e dinte identitetin e zyrtarit, por se ishte “duke e parë me kujdes” situatën.
Nëse ky lajm është i vërtetë, atëherë kjo është hera e parë e liderit koreano-verior që largohet nga vendi i tij që kur mori pushtetin pas vdekjes së babait, në vitin 2011.
Muajin e kaluar, Donald Trump pranoi një ftesën për të takuar Kim Jong-un dhe zyrtarët koreano-jugorë, besohet të jenë duke punuar prapa skenave për të përpunuar kërkesat komplekse diplomatike.
Analistët thonë se udhëheqësit e Koresë së Veriut dhe Kinës do të mund të takoheshin përpara se të niste samiti, pasi Kina është aleati kryesor i Koresë së Veriut.
Videoja e shpërndarë në media, tregoi një tren të gjelbër me vijat horizontale të verdha, i cili i përkiste familjes së liderit Kim Jong-un.
Gjithashtu, prezenca e shtuar e forcave të sigurisë jashtë Diaoyutai State Guesthouse, aty ku kanë qëndruar më parë liderët koreano-veriore, përforcuan spekulimet se një anëtar i familjes së Kimit ka udhëtuar në Kinë.
