Lionel Messi është shpresa e Argjentinës për kampionatin botëror Rusi 2018.
Por kjo vëmëndje drejtuar nga “Pleshti” e shqetësojnë shumë trajnerin e kombëtares, Jorge Sampaoli i cili e përshkruan këtë fenomen, si “një pistoletë te koka” e sulmuesit të Barçës.
Messi ka fituar gjithçka, por ai ka dështuar që të udhëheqë Argjentinën drejt Kupës së Botës. Sot albiçelestet do të luajnë kundër Spanjës në miqësoren e radhës.
Por Messi është në dyshim për shkak të një problemi fizik.
“Messi ka një pistoletë te koka që quhet Kupa e Botës. Dhe nëse ai nuk fiton, ai do të qëllohet dhe vritet. Si rezultat, ai nuk mund ta shijojë talentin që ka. Çfarë shikoj është se negativiteti që e rrethon futbollin ndërkombëtar po e dëmton Messi-n”,- është një nga fragmentet e Sampaoli-t në librin e tij, i cili pritet që të dalë në muajin prill.
Suksesi i munguar me kombëtaren është një nga argumentet që përdoret për ta shfaqur “Pleshtin” si një lojtar më i dobët se Cristiano Ronaldo, ndërsa ky i fundit në 2016 fitoi kampionatin evropian me Portugalinë.
