Aleksey Balashov dhe Vladislav Fhilipov,këta janë dy diplomatët rus të cilët Ministria e Jashtme mori vendimi për t’i larguar nga Shqiperia.Sipas të dhënave zyrtare ata duhet të lënë vendin tonë brenda një jave. I njëjti afat i është dhënë dhe 137 diplomatëve për të cilët është vendosur e njëjta masë nga 23 vende aleate dhe partnere të NATO-s.
Vendimi i së hënës që iu komunikua ambasadorit rus në Tiranë përmes një note verbale nga Ministria e Jashtme, nuk duket të ketë ndikuar në aktivitetin normal të ambasadës.
Edhe pse të vendosur në siklet nga prania se kamerës së televizionit Klan, një numër i madh punonjësish kryesisht shtetas rus, përfshirë dhe ambasadori, i janë drejtuar ambasadës në orarin zyrtar të punës.
Televizioni Klan kontatoi me stafin e ambasadës për të marrë një reagim ambasadori dhe asnjë nga punonjësit e tjerë të ambasadës nuk kanë asnjë koment”.
Vendimi për dëbimin e dy diplomatëve si persona të padëshirueshëm, i argumentuar zyrtarisht se veprimtaria e tyre nuk përputhet me statusin e tyre diplomatik, u mor në koordinim me partnerët e NATO-s, si reagim për helmimin e ish-agjentit të dyfishtë rus Sergei Skripal dhe vajzës së tij në Britaninë e Madhe.
