Shqiptarët zënë vendin e parë të trafikimit të qënieve njerzore në Britani ,ja cila është arsyeja

Në Britani vitin e kaluar është shënuar një numër rekord i atyre që njihen si viktima të skllavërisë moderne dhe trafikimit, me mbi 5.000 të tillë, kështu shkruan, BBC duke iu referuar raportit vjetor të Agjencisë britanike të Luftës kundër Krimit, të njohur si “FBI”-ja.Nga të dhënat dhe studimet e bëra rezulton se ndër 116 kombësi të huaja, shqiptarët zënë vendin e parë me 777 raste, të pasuara nga vietnamezët me 739 syresh.Ndërkohë, numri i fëmijëve që mendohet se janë viktima u rrit me 66 për qind nga një vit më parë.“NCA”-së thekson se,  referimet për fëmijët vijnë kryesisht për shkak të shtimit të tregtisë së drogës, ku të rinjtë përdoren si korrierë të shpërndarjes së saj. Më shumë se 2.000 fëmijë u referuan në Mekanizmin Kombëtar të Referimit, që bën identifikimin e viktimave të skllavërisë moderne, qofshin për gratë e trafikuara apo fëmijët, sidomos ata të pashoqëruarit.Gratë dhe fëmijët shqiptarë të trafikuar në Britani  përbëjnë një shqetësim të madh për autoritetet vendase, ndërkohë që autoritetet shqiptare në Tiranë dhe Londër mendojnë se këto kategori nuk janë realisht të tilla.Një numër i madh fëmijësh të pashoqëruar kanë përfunduar nëpër burgjet britanike, për shkak të përfshirjes së tyre në rrjetet kriminle të shpërndarjes së drogës.