Në mbledhjen e grupit Parlamentar të PS-së të zhvilluar sot, i pari që mori fjalën ishte kryeministri Edi Rama i cili i ka kërkuar deputetit Alket Hyseni që të sqarojë me pak fjalë çështjen me abuzimin me pronat për të cilën akuzohet.
Mësohet se deputeti i është shprehur se nuk është aferë marrja e 11 mijë metra katrorë tokë në bregdetin e Dhërmiut, pasi ka vendime gjyqi dhe vërtetime të tjera që tregojnë se ai është i pastër… Kaq ka mjaftuar që Rama të shqiptojë pak fjalë, duke i kërkuar Hysenit që të dalë publikisht dhe të sqarohet.
Deputeti i PS-së Alket Hyseni u denocua publish nga një banore e Dhërmit e cila ngriti shqetësimin se Alket Hyseni, gjatë kohës që ishte kreu i Task-Forcës antikorrupsion pranë kryeministrisë i kishte grabitur 11 mijë metra katrorë pronë. Por më shumë se afera e madhe e dyshimtë, për Ramën ka rëndësi imazhi dhe ai duhet të “pastrohet” me daljet në media për sqarime.
