Një 45 vjeçar shqiptar ka humbur jetën në mënyrë tragjike, duke u djegur për së gjalli. Lajmi bëhet i ditur nga mediat greke, sipas të cilave, ngjarja e rëndë ka ndodhur në një magazinë në Volos të Greqisë.
Shqiptari, emri i të cilit nuk dihet ende, punonte si saldator bashkë me dy persona të tjerë në depot një kompanie frigoriferi.
Sipas asaj që raportojnë mediat greke, shqiptari ka qenë duke salduar dhe vijuar punën si rregullisht, kur kanë marrë flakë muret e kompanisë.
Fatkeqësisht, shqiptari nuk ka arritur të dalë në kohë nga ndërtesa, ndërsa dy punëtorët e tjerë arritën të largohen.
Trupi i pajetë i 45-vjeçarit nga Shqipëria u gjend i djegur nga zjarrfikësit pranë shkallës së brendshme.
Ndërkohë mësohet se viktima ishte baba i tre fëmijëve dhe prej vitesh banonte në Volos.
