Autostrada në “Rrugën e Kombit” mes Kosovës dhe Shqipërisë pritet të ketë disa ndryshme duke aplikuar tarifën 5-10 euro për kalimin e automjeteve.
Kosovarët që udhëtojnë për në vendin shqiptar pas disa ditësh do ta kenë për detyrim të paguajnë një taksë rrugore.
Edhe shtetasit e Shqipërisë që udhëtojnë drejt veriut të vendit kanë të njëjtën tarifë nga e cila përjashtohen vetëm banorët e zonës.
Kështu, në disa media është raportuar se të njëjtit duhet të paguajnë tarifën në fjalë prej 25 marsit ( e dielë) me një çmim që supozohet të jetë 5 euro (vajtje-ardhje) pra në total 10 euro.
Mirëpo, për këtë ekzekutivi kosovarë nuk është ende në dijeni. Lidhur me këtë çështje, në një përgjigje për “Indeksonline” Ministri i Infrastrukturës, Pal Lekaj ka treguar se kur mund të nis kjo procedurë.
Sipas Lekajt, çmimi i tarifes në Rrugën e Kombit do të caktohet gjithnjë duke u bazuar në kushtet ekonomike të qytetarëve të Kosovës.
