Një 31-vjeçar nga Shijkau është vënë në pranga ditën e sotme, pasi gjatë kontrollit policia i zbuloi arsenal armësh a ii kishte fshehur në banesëne tij.
Policia e Durrësit njofton se i arrestuari është identifikuar si Ervin Çizmja, i cili ran në pranga në kuadrin e kontrollit të policisë për personat të cilët mbajnë armë paleje, personat me precedent penal si dhe ata persona të përfshirë në trafikun e drogës.
Njoftimi i Policisë
Sekuestrohen armë dhe municione luftarake.
Arrestohet në flagrancë një shtetas.
Specialistët për Krimet në Komisariatin e Policisë Shijak në bashkëpunim me Forcat e Posaçme Shqiponja të Drejtorisë Vendore të Policisë Durrës në zbatim të Planit të Masave për rritjen e parametrave të sigurisë, për parandalimin e ngjarjeve kriminale si dhe evidentimin e personave që posedojnë armë zjarri kanë ushtruar kontrolle në të gjithë territorin e Shijakut.
Si rezultat është arrestuar në flagrancë shtetasi:
- Ervin Çizmja 31 vjeç, banues në Shijak.
Në bazë të informacioneve të marra në rrugë operative nga Strukturat Policore, gjatë kontrollit të ushtruar në banesën e shtetasit të mësipërm u gjetën dhe sekuestruan në cilësinë e provave materiale:
- një armë zjarri pistoletë TT model 54, kalibër 7.62 mm me kreher;
- një armë gjahu teke;
- 261 copë fishekë model 54 kalibri 7.62 mm;
- një silensiator arme zjarri me gjatësi të pergjithshme 23 cm;
- një gjerdan me fishekë arme gjahu me kalibër 12 mm me 28 fishekë.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “Mbajtja pa leje e armëve luftarake”dhe “Prodhimi dhe mbajtja pa leje e armëve të gjuetisë dhe sportive” parashikuar në nenet 278/4 dhe 280 të Kodit Penal.
