Një 55-vjeçare ka gjetur vdekjen ditën e sotme në Tiranë, pasi ka rënë nga kati i tretë i pallatit ku banonte.
Ngjarja ka ndodhur në rrugën “Daniel Ndreka”. Rrethanat janë ende të paqarta se si F.D. ka rrëshqitur nga një lartësi e tillë që rezultoi fatale për të.
Policia po punon për zbardhjen e plotë të ngjarjes.
Njoftimi i policisë:
“Me datë 24.03.2018 rreth orës 14:30 në rrugen “Daniel Ndreka” ka rënë nga kati i 3 i një pallati shtetësja F.D., 55 vjeçe, e cila si pasojë ka gjetur vdekjen.”
Grupi hetimor ndodhet në vendngjarje për sqarimin e rrethanave të ngjarjes dhe veprimet e mëtejshme.
