Çështja e Teatrit Kombëtar dhe vendimi i qeverisë për ta prishur solli reagimin e shumë aktorëve dhe ditën e sotme aktori e regjisori, Alfred Trebicka shprehet se teatri është lënë qëllimisht të rrënohet.
“Mendimi im është që ndërtimi, restaurimi apo bërja e ribërja e një institucioni siç është Teatri Kombëtar, apo edhe institucione të tjera si Teatri Kombëtar, të përmasave të tilla duhet të jenë plotësisht nisma dhe vepra të shtetit. Në këto nuk ka punë privati. Sepse bashkëpunimi i tillë është problematik. Në rastin konkret ky bashkëpunim do ketë këto pasoja. Nuk ka privat në botë që e bën për hobi një sipërmarrje të tillë. Po pra, po bashkëpunimi është i rrezikshëm në rastin konkret, sepse të merr territor”-shprehet Trebicka.
Sipas tij, nëse do i shembim të gjitha se janë të vjetra, çfarë na mbetet. “Duke mos pasur dyshime për korrupsion, Trebicka, thotë se nuk mund t’i kërkohet transparencë, trafikantëve të drogës. Për të, thelbi i asaj që po ndodh është përballja e komunitetit të artistëve me disa interesa të pastra biznesi. Ndaj, edhe në atë projekt që u prezantua, u pa që ishin kullat afër teatrit”-shprehet ndër të tjera. Vendimi për prishjen e Teatrit Kombëtar dhe ndërtimin e një tjetër godine të re me shtatë kulla nga pas është pritur me kundështi nga një pjesë e madhe e aktorëve, por gjithçka është vulosur nga kryeministri Edi Rama dhe pritet vetëm mbërritja e fadromave, duke rrënuar përfundimisht objektin e ngritur në vitet 1939-1940.
“Nuk dua të gjykoj në bazë fjalësh po në bazë veprimesh konkrete. Veprimet konkrete që janë bërë deri tani sa i takon pjesës së artit e kulturës, e këtu kam parasysh fatin e kinemave, “17 Nëntori” e “Republika”, nuk janë më.” – tha Trebicka.
