Bandat e drogës nga Shqipëria kanë nxitur një trefishim të numrit të kriminelëve në burgjet britanike.
Shifrat e Ministrisë së Drejtësisë tregojnë se 726 shkelës të ligjit nga Shqipëria janë pas hekurave në raportet e vitit të kaluar, në krahasim me 267 në vitin 2013.
Shumë prej tyre janë dënuar për vrasje, drogë, krime seksuale, pastrim parash, kontrabandë të njerëzve dhe kërcënime me vdekje.
Shqiptarët tani përbëjnë grupin e tretë më të madh të huaj të burgosur në Angli dhe Uells, pas kriminelëve irlandezë dhe polakë, me një kosto prej rreth 53 milionë paund për tatimpaguesit.
Rreth 321 shqiptarë janë të burgosur për drogë, një numër shumë i madh krahasuar me grupet më të mëdhenj nga Xhamajka (122) dhe Polonia (85).
Agjencia Kombëtare e Krimit (NCA) ka paralajmëruar se bandat e trafikantëve shqiptarë të drogës tani janë “një kërcënim i rëndësishëm”, duke përdorur taktika gjithnjë e më të pamëshirshme për të mbrojtur biznesin e tyre.
Grupet e krimit të organizuar nga vendi, i cili ka një popullsi prej vetëm 2.9 milion, tani kanë ndikim të madh në furnizimin me kokainë rreth Mbretërisë së Bashkuar.
Deputeti David Hanson, anëtar i komitetit për zgjedhjen e drejtësisë të Commons, tha se ishte një është “masë suksesi” që gangsterët shqiptarë po kapeshin dhe burgoheshin.
Por, ai shtoi se: “Është e rëndësishme që qeveria të gjejë një mekanizëm për të siguruar që ata t’i kryejnë dënimet e tyre në Shqipëri”.
