Një ngjarje e rëndë e cila për pak ka përfunduar në tragjedi ka ndodhur sot në kompleksin stërvitor “Skënder Halili” në Tiranë.
Trajneri i 17-vjeçarëve të Tiranës, Migen Memlli është sulmuar me thikë nga një prej prindërve të lojtarëve.
Mësohet se shkak është bërë mospërfshira e djalit të agresorit në 11-shen titullarë. Fillimisht ai ka hyrë në fushë dhe e ka qëlluar trajnerin Memelli me grushte, më pas agresori nxori thikën për ta qëlluar, por për fat të mirë, trajneri pogradecar është shmangur duke shpëtuar pa pasoja.
Njoftimi i policisë
Sot me datë 22.03.2018, rreth orës 09:50, tek fusha e sportit “Skënder Halili’’, tek Qyteti i Nxënësve, një prind shtetasi A. Ç. 47 vjeç,është konfliktuar me trajnerin e ekipit “U-16”, shtetasin M. M., për arsye se djalin e tij nuk e ka përfshirë në lojë, i cili e ka qelluar me grushte.
Të dy palët janë shoqëruar në komisariat për veprime të mëtejshme dhe sqarimin e rrethanave të ngjarjes.
