Pas dy ish-lojtarëve Brazilian, Romario dhe Bebeto, një tjetër ish-lojtar i përfaqësueses braziliane përfshihet në politikë.
Bëhet fjalë për ish-futbollistin e Paris Saint Germain, Barcelonës, Milanit dhe të përfaqësueses braziliane Ronaldinho.
Ai ka bërë hapin e parë për përfshirjen e tij në politikë, duke u bërë pjesë e Partisë Republikane Braziliane.
Ylli brazilian formalizoi gjithçka gjatë një evenimenti të zhvilluar në selinë e kësaj force politike në Rio de Janeiro, me këtë të fundit që nuk ka vendosur ende nëse do ta vendosë mes kandidatëve të saj në zgjedhjet e ardhshme të vendit amerikano-latin.
Romario, i cili është rizgjedhur senator, ditët e fundit konfirmoi vendosjen e kandidaturës për postin e Guvernatorit të Shtetit të Rios.
