Tre persona mbeten të plagosur, njëri prej të cilëve në gjendje të rëndë, pasi automjeti me të cilin po udhëtonin doli nga rruga. Aksidenti ndodhi rreth orës 05:00 të mëngjesit në superstradën Lezhë-Laç, në afërsi të fshatit Ishull-Shëngjin.
Automjeti tip “Mercedez” me targa AA 025 MK ka qenë duke lëvizur në drejtim të qytetit të Lezhës, kur si pasojë e lagështirës në rrugë dhe shpejtësisë së madhe drejtuesi i mjetit ka humbur kontrollin, duke dalë nga rrruga dhe përfunduar në një fidanishte.
Nga aksidenti kanë mbetur të plagosur drejtuesi i mjetit shtetasi me iniciale T.P 26-vjeç, si dhe pasagjerët S.G 17-vjeçe dhe A.R 23 vjeç.
Ky i fundit ka marrë dëmtime më të shumta dhe është dërguar për ndihme mjekësore në spitalin e Traumes në Tiranë, ndërsa dy të plagosurit e tjere ndodhen në spitalin e Lezhës jashtë rrezikut për jetën.
Në momentin e aksidentit ka patur edhe reshje bresheri të cilat mendohet se janë bërë shkaku kryesor që mjeti i cili po lëvizte me shpejtësi të dilte jashtë rrugës.
