Duke folur në një emision televiziv grek, Eleni Foureira ka zbuluar arsyen pse e ka fshehur origjinën për një kohë të gjatë, si edhe cili është emri i saj i vërtetë.
Këtë vendim ajo tashmë e cilëson si të gabuar, por ishte e detyruar nga rrethanat.
“Në atë kohë vendosëm bashkë me familjarët e mi që mos tregojmë se jam nga Shqipëria, që të duan Eleni Foureiran për atë që është. Po, ishte veprim i gabuar. Megjithatë, nëse do të kthehesha pas në kohë, nuk e di nëse do të veproja ndryshe”, tha këngëtarja me origjinë shqiptare.
Ndërsa për emrin e saj ajo u shpreh: “ Eleni është emri im i pagëzimit në Greqi.Emri im i vërtetë është Entela”.
