Legjenda e Juventus, Alessandro Del Piero në një intervistë për UEFA-n ka folur për sulmuesin të “Zonjës së Vjetër” Paolo Dybala.
Ish-ylli i bardhezinjëve dhe kombëtares italiane, i është përgjigjur me të qeshur pyetjes “A je dakord që ai gjuan më mirë se ty?”
“Nuk ka konkurrëncë, sigurisht që unë jam më i mirë se ai. Çfarë doni që të them që ai është më i mirë”- ka thënë Del Piero me shaka.
“Paolo është shumë i ri dhe ka kohë mjaftueshëm që të më kalojë. Duhet të them që po bën shumë mirë dhe për këtë jam i gëzuar, unë e kam përfunduar kohën time, tani është momenti i tij dhe unë i uroj më të mirat e mundshme”.
Ndër të tjera 43-vjeçari ka përcjellë edhe një mesazh për kapitenin e Juves dhe të “axurrëve”, Gianluigi Buffon.
Legjenda e portës italiane pritet të mbyllë karrierën si futbollist profesionist në fund të këtij sezoni dhe ëndrra e tij është të ngrejë titullin në Champions League.
Por, gara për këtë trofe do të jetë tepër e vështirë për shkak se do të përballen në fazën çerekfinale me Realin e Madridit, i cili i ka mundur me rezultatin 4-1 në finalen e vjetshme në “Cardiff” me dopietën e Cristiano Ronaldos dhe golat e Casemiros dhe Asensios.
“E gjithë bota pret që ti të ngresh trofeun e Champions League, por nga ana ime edhe sikur të mos e fitosh, do të jesh numri një në botë. “Foca Juve, deri në fund”- ka thënë në fund të intervistës, ish-sulmuesi i bardhezinjëve.
