Gjykata ka dhënë dënimin me burg të përjetshëm për Denis Shtrazën i cili akuzohet për rrëmbimin dhe torturimin me pasojë vdekjen e Gazmend Çollakut në janar të vitit 2016. Ky fundit u rrëmbye në Durrës në janar të vitit 2016 dhe një ditë më pas u gjet i lidhur dhe i vrarë në Murqinë të Krujës.
Ish-polici Ervin Dalipaj, i cili u ekzekutua në një atentat në Durrës në vitin 2017, ka qenë gjithashtu i akuzuar për këtë ngjarje, por në një atentat të mirëorganizuar ai u ekzekutua në aksin rrugor Tiranë-Durrës. aktualisht për vrasjen e Gazmend Çollakut në gjykim ishte vetëm Denis Shtraza, i cili sot mësoi masën e dënimit me burgim të përjetshëm.
Gazmend Çollaku u rrëmbye mbrëmjen e 6 janarit të vitit 2016 në parkingun e një lokali në Durrës nga persona të veshur me uniformë policie. Pas 12 orësh, ai u gjet i pajetë në Murqinë të Krujës. Prokuroria tha se viktima pasi ishte torturuar, ishte qëlluar me plumb në kokë dhe i lidhur këmbë e duar me fasheta të zeza dhe ishte hedhur anës rrugës. hetimet e mëtejshme çuan institucionin e akuzës në dyshimet se një nga autorët e vrasjes ishte Denis Shtraza.
