Këto ditë po organizohet Festivali i Këngës në RTSH. Ky festival nuk ka kaluar pa incidente, pas ‘konfliktit’ që ndodhi mes Redon Makashit dhe Orikestrës së Radio Televizionit një tjetër u shënua mes këngëtarit Luiz Ejlli dhe prezantuesit Adi Krasta.
Gjatë mbrëmjes së parë të Festivalit të 56- të ndërsa duhet të prezantonte Luiz Ejllin e Rezarta Smaja, Adi Krasta përmendi vetëm emrin e Smajës para dhe pasi ata inpretuan këngën e tyre “Ra një yll”. Nuk dihet, nëse ishte një lapsus apo i qëllimtë fakti si në prezantim, ashtu dhe në përcjellje që Adi Krasta nuk e përmendi për asnjë moment Luiz Ejllin, i cili ka qenë një talent i zbuluar pikërisht prej tij dhe Pali Kukes gjatë talent shoë-t “Ethet e së premtes mbrëma”.
Lidhur me këtë incident ka reaguar edhe vetë Luiz Ejlli me anë të një statusi në rrjetet sociale ku shkruan shumë i indinjuar, se ky është një skandal që nuk ka ndodhur as në kohën e Enver Hoxhës.
