Prestigjozja britanike “The Guardian” ka publikuar listën me 100 futbollistët më të mirë në botë për vitin 2017. Për sondazhin e gjashtë vjetor, “The Guardian” mblodhi panelin më të madh të jurisë deri më tani: 169 anëtarë nga 63 vende të botës, të cilët votuan për futbollistët më të mirë të vitit.
I udhëhequr nga legjenda braziliane Ronaldo, paneli global i “The Guardian” me lojtarë, trajnerë, transmetues, reporterë, korrespondentë dhe redaktorë u drejtua nga 27 ish-profesionistë dhe profesionistë aktualë, të cilët i kanë fituar 698 ndeshje së bashku.
Përkrah Ronaldos, ish-lojtarë, si Hernan Crespo, Javier Zanetti dhe Jan Aage Fjortoft kanë gjetur kohë për të marrë pjesë në ekipin e jurisë, i cili po ashtu është përbërë nga trajnerë ndërkombëtarë dhe një rrjet i gjerë i talentëve të transmetimit dhe gazetarisë.
Në një votim jashtëzakonisht të ngushtë, Messi ia doli ta mposhtë rivalin e tij të madh Ronaldon, për të përfunduar në vendin e parë në listën 100 futbollistëve më të mirë në botë. “Top 10” e përmbyllin Neymar, Kevin De Bryune, Harry Kane, Luka Modric, Robert Lewandowski, Kylian Mbappe, Toni Kross dhe Eden Hazard.
