Deputeti i Partisë Demokratike, Ervin Salianji, në një takim me rrjetin e organizatave rinore, u bëri thirrje të mos mbyllen në salla, në një realitet ku rinia beson në një fe të vetme “që ky vend nuk bëhet”.
Në vitet ’90 rinia shqiptare fitoi legacy-në e vet në politikë duke shembur jo thjeshtë muret e një godine, por muret e një ngrehinë të tërë politike.
Ju, që jeni dhe një pjesë e më të mirëve, duhet të nxisni reagimin e të rinjve, bashkimi i fuqisë rinore është frika e çdo sistemi.
Përplaseni fuqinë dhe rrebelimin tuaj për të drejtat njerëzore tek institucione që kanë përgjegjësi dhe pushtet; tek individët që mbajnë peng institucionet.
Vetëm nëpërmjet jush ky vend behet, dhe nëpërmjet jush politika tronditet e shkundet.
Ju që keni mundësi ende të shihni vështirësite por edhe gabimet e politikës, më shumë se ne duhet të ndikoni që të kthehet besimi tek të rinjtë sepse nevoja për ta është e domosdoshme, dhe po ashtu fuqia e bashkimit të tyre eshte ndryshimi!
Me keqardhje, por une e pranoj se politika sot është dhe zhvillohet më së shumti me më pak idealizëm se në vitin 1990 dhe është më keq se 27 vjet më parë, nga ana tjetër dhe rregullat e lojës së politikës janë me po aq pak dhe po aq primitive sa fillesat në vitet ‘90.
Sot është më së shumti prej politikës që qytetarët kanë më pak shpresë se ketu mund të jetohet me punë dhe mund ta ndertosh jetën me rregulla.
Unë kam besim se aktivizimi dhe antikomformizmi juaj do ta ndryshojë gjendjen. Vendi ka një lutje për ju, të mos ikni se çdo largim i një talenti dhe force si ju, i hap rrugën një keqësie më shumë.
Edhe frymëzimi nga brezi i të rinjve të ’90, duhet të jetë më i madh. Ishte brezi që besoi dhe ndryshoi epokat, sot ju nuk mund të prisni që ndryshimi i rregullave te vijë nga perendia. Nuk ka ndryshim pa perpjekje.
Sot të rinjtë jo vetëm po largohen nga politika por te pezmatuar dhe te lodhur po largohen nga Shqipëria, me një dorëzim për jetën në atdhe.
Sigurisht ky dorëzim vjen edhe nga përballja me faktin që ndryshimi i elitave apo atyre që kanë ushtruar pushtet, përjetohet si dramë.
E reja eshte shpresa.
Ju përgëzoj për këtë nismë dhe për qëndrimin konkret që mbani mbi cështjet që mbroni.
Propozimi për këtë DRAFT – REZOLUTË PËR TË RINJTË E KUVENDIT TË SHQIPËRISË është një propozim konkret që pritet të ketë një produkt konkret.
Po ashtu uroj që rezoluta për të rinjtë e Kuvendit të Shqipërisë mos përfundoje vetëm në krijimin e aleancës së deputetevë si një grupim për shoë por një grupim që do të prodhojë më shumë të drejta të që funksionojnë për të rinjtë në jetën politike dhe sociale të vendit.
