Humbja kundër Lushnjes ka qenë e patolerueshme në kampin e Kukësit dhe kjo është reflektuar menjëherë në dhomat e zhveshjes. Në përfundim të takimit, ka pasur tension të lartë midis drejtuesve dhe futbollistëve. Ka qenë gazetari Elvis Rexha, i cili ka njoftuar në “Supersport” situatën nervoze:
– “Pati një mbledhje në dhomat e zhveshjes dhe ishte mjaft e tensionuar, me tone të larta. Trajneri Milinkoviç nuk ka qenë prezent, pasi ka qëndruar në stol së bashku me ndihmësin e tij”, tha ai.
Më tej, konfirmoi gjithashtu që Milinkoviç do i paraqesë dorëheqjen presidentit Gjici. Gjithsesi, duket se furtuna mund të prekë edhe disa nga futbollistët e Kukësit.
