Anxhali shikon Shamin duke dalë nga dhoma e Arnavit. Ajo bëhet dyshuese dhe e pyet për varësen. Sham i thotë se Kushi ka blerë për secilin nga një. Nga ana tjetër Kushi qan por NK e qetëson duke i thënë se këtë ajo e bëri për Arnavin. Kushi del nga dhoma dhe përballet me Anxhalinë.
Anxhali i thotë Kushit të ketë kujdes çfarë bën që të mos pendohet më vonë. Kushi kthehet në dhomë ku është NK. Ai e bën Kushin për të qeshur duke i treguar arsyen pse e thërret Arnavin "Nanav". Ai i thotë se Arnav kur ishte i vogël nuk i nxirrte mirë fjalët dhe emrin e tij e thoshte Nanav prandaj NK e ngacmon shpesh duke e thërritur me atë emër.
NK hap dokumentin që Sham mban në laptop dhe ai me Kushin habiten kur shohin që është dokumenti i pasurisë në të cilin shkruhet se pasuria i kalon Shamit dhe është firmosur nga Sham. Kushi fajëson veten. Akash pret për Pajalin që të hyjnë në një festë. Ajo vjen e veshur me taka të larta por nuk i mban dot ato. Akash i bërtet që u vonua. Pajal rrëzohet. Akash i thotë se e turpëroi. Pajal mërzitet ndërsa Akash largohet duke e lënë Pajalin të lënduar. Kushi shkon falet dhe i kërkon perëndeshës t'i japë forcë. Më pas ajo shkon pranë pishinës.
Sham vjen aty dhe e sheh Kushin të mërzitur. Kushi flet për Arnavin dhe si u martua me të. Sham i thotë se ai do i qëndrojë gjithmonë pranë dhe do bënte çdo gjë për të. Kushi i thotë Shamit se do që ai të bëjë diçka. Ndërkohë Manorama është duke kaluar. Kushi i thotë Shamit se e vetmja gjë që do e lëndonte Arnavin është nëse Sham lë Anxhalinë. Sham gëzohet dhe mendon pasi të lërë Anxhalinë të vrasë edhe Arnavin. NK i jep letrat e divorcit Kushit shkruan revistawho.com.
Kushi shkon dhe ja jep Shamit për t'i firmosur. Sham fillon t'i lexojë dhe Kushi i thotë "S'ke besim tek unë? Ti nuk je në anën time? Ti po shtiresh?". Sham i thotë se është në anën e saj dhe ai e mban gjithmonë premtimin. Manorama shkon tek Anxhali dhe i tregon gjithçka. Anxhali nuk mund ta besojë që Sham do ta divorcojë. Sham firmos letrat e divorcit pa i lexuar.
