Trajneri i Kamzës, Ramadan Ndreu, u shpreh i pakënaqur me faktin që skuadra e tij e mori lehtë ndeshjen e sotme ndaj Lushnjës.
Në deklaratën e dhënë pas ndeshjes ai tha se çdo skuadër do vuajë në përballjet me Lushnjën.
Mendimi im është që të gjitha skuadrat do ta kenë të vështirë të fitojnë kundër Lushnjës. Ata nuk kanë presion si të tjerët dhe këtë po e tregojnë të gjitha ndeshjet. Pësuam një gol aksidental dhe vetëm dy herë shkuam te porta në pjesën e parë.
Kjo ishte një ndeshje e vështirë nga ana psikologjike, është vështirë t’i japësh skuadrës një implus ndaj të dobëtëve. E rëndësishme është që morëm tre pikë të vlefshme. Në këtë sezon kemi zhvilluar dy ndeshje të dobëta, të dyja ndaj Lushnjës”, deklaroi pas fitores së sotme trajneri i Kamzës, Ramadan Ndreu.
