Njerëzit që pinë tre deri në katër kafe në ditë, kanë më shumë gjasa të kenë përfitime shëndetësore sesa probleme. Shkencëtarët thone se ata që konsumojnë kafe janë më pak të ëkspozuar ndaj sëmundjeve të zemrës dhe vdekjes së parakohshme.
Hulumtimi, i cili grumbulloi dëshmi nga më shumë se 200 studime të mëparshme, gjithashtu gjeti se konsumi i kafesë ishte i lidhur me rreziqet më të ulëta të diabetit, sëmundjes së mëlçisë, demencës dhe disa kancereve.
Tre ose katër kafe në ditë japin përparësi më të madhe, me përjashtim të grave që janë shtatzëna ose që kanë një rrezik më të lartë të thyerjeve.
Kafeja është një nga pijet më të zakonshme të konsumuara në mbarë botën. Për të kuptuar më mirë efektet e saj mbi shëndetin, Robin Poole, një specialist i shëndetit publik në Universitetin Britanik të Southampton, udhëhoqi një ekip kërkimor në një “shqyrtim ombrellë” të 201 studimeve të bazuara në hulumtimin vëzhgimor dhe 17 studime të bazuara në gjykimet klinike në të gjitha vendet.
“Rishikimet ombrella” sintetizojnë analizat e mëparshme të grumbulluara për të dhënë një përmbledhje më të qartë të hulumtimeve të ndryshme mbi një temë të caktuar.
“Pirja e kafesë duket e sigurt në modelet e zakonshme të konsumit”, përfundoi ekipi i grupit në hulumtimet e tyre, të botuar të mërkurën në revistën mjekësore britanike BMJ.Pirja e kafesë ishte vazhdimisht e lidhur me një rrezik më të ulët të vdekjes nga të gjitha shkaqet dhe nga sëmundjet e zemrës. Reduktimi i rrezikut nga vdekja e parakohshme shihet tek njerëzit që konsumojnë tre kafe në ditë, krahasuar me ata që pine pije jo-kafe.Pirja më shumë se tre kafe në ditë nuk ishte kishte efekte negative, por efektet e dobishme ishin më pak të theksuara.Kafja u shoqërua gjithashtu me një rrezik më të ulët të disa kancereve, duke përfshirë kancerin e prostatës, endometrit, lëkurës dhe mëlçisë, si dhe diabetin e tipit 2, gurët e tëmthit, thanë hulumtuesit. Përfitimi më i madh u pa për kushtet e mëlçisë si ceroza e mëlçisë.Në një editorial të lidhur, Profesor Eliseo Guallar nga shkolla Johns Hopkins Bloomberg e shëndetit publik në Maryland shkroi se “kafe është e sigurt, por ruhuni nga torta”.Ai argumentoi se studimi më i fundit tregoi se “konsumi i kafesë duket përgjithësisht i sigurt”, por shtoi: “Kafja konsumohet shpesh me produkte të pasura me sheqerna të rafinuara dhe yndyrna jo të shëndetshme, dhe këto mund të kontribuojnë në mënyrë të pavarur për rezultatet shëndetësore të pafavorshme …A parandalon sëmundjet kronike dhe redukton vdekshmërinë kafeja? Ne thjesht nuk e dimë. A duhet mjekët të rekomandojnë pirjen e kafes për të parandaluar sëmundjet? A duhet njerëzit të fillojnë të pinë kafe për arsye shëndetësore? Përgjigja për të dyja pyetjet është ‘jo’. “Ekipi i Poole vuri në dukje se për shkak se shqyrtimi i tyre përfshinte kryesisht të dhënat e vëzhgimit, nuk mund të nxirren përfundime të forta për shkakun dhe efektin. Por ata thanë se gjetjet e tyre mbështesin shqyrtimet e tjera të fundit dhe studimet e marrjes së kafesë.
