Ajo u bë e njohur për publikun shqiptar disa muaj më parë, kur në emisionin ‘Top Show Magazine’, theu tabutë e shoqërisë shqiptare duke rrëfyer për herë të parë shndërrimin e saj nga gjinia mashkullore në atë femërore. Mirëpo konkurrentja e ‘Dance With Me’ Linda Rei duket se nuk është treguar tërësisht e hapur përsa i përket së shkuarës së saj.
‘Gazeta Shqiptare’ së fundmi ka publikuar imazhe të saj nga një website që ofron shërbime eskortash, ku Linda, asokohe bjonde, pozon e zhveshur duke reklamuar veten.Fotoja në fjalë është shkrepur përpara se Linda të kryente operacionin e shndërrimit të gjinisë, pasi në të ajo shihet me organ mashkullor dhe përmendja e emrit Linda Rei në seksionin e komenteve, konfirmon se bëhet fjalë pikërisht për konkurrenten e ‘Dance With Me’.
Sipas komenteve dhe vlerësimeve që kanë bërë në profili ata që mesa kuptohet kanë qenë klientët e saj në vitin 2015, Linda kryente me ta marrëdhënie homoseksuale dhe kishte një tarifë nga 50 deri në 100 euro. Kjo krijon një mospërputhje me historinë e treguar prej saj disa ditë më parë në emisionin ‘Rudina’, ku Linda rrëfeu se sapo kishte mbushur 18 vjeç e një ditë, kishte kryer operacionin për ndryshimin e seksit.
Sakaq ajo së fundmi ka bërë një deklaratë në Instagram, ku shprehet se nuk preket nga asgjë që thuhet për të. ‘Faleminderit të gjitha atyre që po më dedikojnë kohën e tyre… Më vjen keq që nuk kam as reagime as kritika për ju sepse nuk më prek asgjë që thuhet… Mendoj që çdokush është i lirë të mendojë dhe të thotë atë që do dhe nuk pretendoj t’i pëlqej çdokujt, se as mua s’më pëlqejnë të gjithë!’- shkroi ajo.
