Kryeministri Edi Rama prej kohësh po tërheq vëmendjen me veshjen e tij. Nga atletet e bardha, të cilat nuk i ka hequr nga këmba edhe në takimet ndërkombëtare, së fundmi Rama i është rikthyer pantallonave të tipit “Yamamoto”, që në zhargonin popullor cilësohen si brekushe apo çitjane.
Por çitjanet e Ramës, pavarësisht se mund të shkaktojnë batuta, kushtojnë sa 10 pensione mesatare, nëse vlera e pensionit do të ishte në kuotën e 15 mijë lekëve të reja.
Nëse do të kërkohet një çmim mbi pantallonat që vesh Rama, të markës japoneze “Yamamoto”, ato mund t’I blesh për 962 paund apo edhe për mbi 1300 dollarë. E konvertuar në monedhën vendase ato kushtojnë mbi 1.5 milionë lekë, shifër kjo e lartë për një vend ku niveli i varfërisë është në rritje.
Ja pra që çitjanet apo brekushet e kryeministrit, pavarësisht humorit që shkaktojnë kanë një çmim të kripur, të paarritshëm nga shumica e qytetarëve , përfshi edhe atyre që sot mund të mbështesin kryeministrin.
