Prej pak ditësh në Tiranë kanë nisur të qarkullojnë fjalët se mes Babastars ka nisur një përçarje.
Koncertet e Getoarit vetëm me Majk, zhvendosja e tij në Tiranë, zvarritja e publikimeve të projekteve të përshkakëta dhe mos postimi i këngës së re të Getit nga ana e krahut të tyre të djathtë, Albert Krasniqit, janë vetëm disa nga arsyet që të bëjnë të besosh se mes labelit ka përçarje.
Por si duket situata vazhdon të jetë e acaruar vetëm mes Getit dhe djalit që plagosi Noizyn, Albert Krasniqit. Gjithçka nisi me një postim të biznesmenit teksa bëri publike bisedat me reperi kosovar të cilin e akuzonte për diferencim mes anëtarëve të grupit.
‘Unë kom me kon qaj që kom me rrxu gradualisht’ – i drejtohej ai Getit për përfitime në datat e koncerteve.
Ndërkohë Cozman, Skivi dhe Marshal Jungle me postimet e djeshme kanë treguar edhe njëherë se janë dhe do të vazhdojnë të jenë në familjen e madhe të Babastars. Megjithatë ata lanë të kuptohej se Babastars vërtet po përçahen dhe anëtarët e lartpërmendur mbajnë anën e Albertit. Ky i fundit duket se po merr rolin u udhëheqësit duke lënë Getoarin në hije.
