Teksa ishte pyetur vetëm pak kohë më parë në një intervistë nëse ishte pjesë e grupit OTR, ajo e mohoi duke thënë se mes saj dhe Noizy-t kishte vetëm miqësi, asgjë më shumë.
Por edhe pse nuk e ka pranuar, Gordana e njohur me emrin e artit si Baby G, vazhdon të jetë një ndjekëse e rregullt e grupit OTR. Këngëtarja është parë të jetë edhe e pranishme në koncertet e Noizyt si dhe nuk ngurron edhe ta mbrojë reperin nëse kjo është e nevojshme.
Megjithatë, ajo që Baby G ka shprehur në lidhje me anëtarësimin në grup bie ndesh me atë që ka komentuar në njërën prej fotove të reperit. Teksa një komentues i ka shkruar “Baby G welcome OTR”, ajo ia ka kthyer “ Never left”. Një përgjigje që nuk lë më vend për dyshime.
