Nga Anila Hoxha
Vite me pare nje mjeke me telefonoi , me tregoi se fqinja e katit poshte dhunohej. Me frike te dyja me takuan dhe kur zbuloi shpinen pashe tek ajo shenjat mavi qe i kishte lene bishti i fsheses.
Sa e veshtire qe ta bindnim te denonconte. Mori urdher mbrojtje , por meqe qe e veshtire te ndryshonte situata gruaja u percoll ne nje strehez. E kam pare qe nuk ka funksionuar urdheri i mbrojtjes per kaq vite , kam zbuluar histori grash qe jane rrahur edhe para meje ne dere te gjykates.
E mbani mend besoj ate gruan shtatazane ( spo ja them emrin megjithese e kam te skalitur ne koke ) qe u rrah barbarisht. Edhe ajo akoma perdoret arkiv. Si edhe gruaja tjeter qe u rrah para gjyqtares dhe i shoqi nuk ndalet edhe kur vjen policia. Por askush nuk reagoi aso kohe nga shoqatat e grave. Askush !
Po vajza qe u abuzua seksualisht ne Laknas e mbani mend. U braktis nga fisi e familja sepse i turperoi qe denoncoi . U kercenua prej tyre . Mbeta aso kohe vetem e ne kerkim te nje qendre ku vajza te fuste koken. E shqetesuar me ndihmoi prof. Vasilika dhe qe atehere lidha nje miqesi te madhe me kete grua. Nuk me lejoi atehere ta falenderoja per kete veprim por po e bej sot per modesine qe ka dhe per perpjekjet qe ben per femren. Kam denoncuar dhe nuk lodhem nga perseritja per paradoksin e urdherit te mbrojtjes duke sjelle histori e duke pyetur : vertet si mund te jetoje nje grua e dhunuar nen nje cati me dhunuesin brenda 65 m2 ? Nuk protestoi askush nga shoqeria civile te kerkonte me shume garanci per grate qe terhiqen nga urdheri i mbrojtjes cka sjell pushim te procesit . Pasojat dihen. Do pyesni po mire pak gra qe ishin me urdher mbrojtje dhe prape u vrane? Po dhe kjo eshte njelloj e rende. Eshte e tmerrshme. Por duhet reagim . Nuk mjafton denimi , dikush tjeter duhet shpetuar. Dhe askush nuk shpetohet me ate foton e femres me sy te nxire , poshte te ciles eshte nje numer ku duhet denoncuar. Shkruhet edhe MOS HESHT . Vertet ku jeni a jeni apo nuk jeni ? Duhet te dilni sa here vritet nje grua apo gjate fushatave kunder dhunes vetem me ata fjongot portokalli? Cfare beni ju per grate qe nuk u lejohen femijet ti takojne ne burg? Po per vajzat e femrat qe jane vrare, jane zhdukur ne vite dhe nuk dihet fati i tyre ? Asnje marshim ? Asnje kujtese per to ? Meqe jemi tek grate e vrara te cilave ju u mesoni emrat nga ekrani po ne fakt nuk dini asgje per jeten e veshtire te tyre. A e dini qe se fundmi ne nje qytet te madh nje grua u perzu me rrobat e trupit nga shtepia dhe ajo nuk ka te drejte te shohe as femijet dhe jo me te pretendoje pronesi shtepie ?
Po Liljana Rukon si mundet ta harronit? U dhunua u mbyt u zhvesh dhe u flak nga bashkeshorti. Shpresoj ta kujtoni tani . Per Liljanen nje dite me telefonoi Aurela Anastasi , nje grua mjaft aktive per perfaqesimin e femrave te pambrojtura ne gjykate. Edhe te atyre qe divorcohen dhe nuk kane leke te gjejne avokat per te marre femijet. Aurela kishte vendosur te mbronte femijet e viktimes ne gjykate , te celte nje padi shperblim demi paralel me gjyqin penal kunder vrasesit. Por vec saj askend tjeter nga shoqeria civile nuk pashe ta ndiqte kete proces. Vrasesi perfitoi gjykimin e shkurtuar dhe padia e demit u transferua per ekonomi gjyqesore ne nje gjykate te zakonshme. Na e vrane prape Liljanen me tha i vellai kur doli , por une ula syte. Sepse ligjet keshtu jane bere ka nje mal te drejtash edhe i akuzuari dhe poqe se kerkon gjykim te shkurtuar i shpeton edhe burgimit te perjetshem. I dhashe fjalen qe do ta ndiqja edhe gjyqin tjeter. Sepse cdonjera nga ne duhet te pyese, po nuk reagova une kush do ta beje ? Njejtshem mendon edhe prof. Aurela qe prej kaq vitesh nuk lodhet kur me kujton: Anila duhet bere akoma me shume per grate. Ka kohe qe perpiqet e me thote: Anila po bind nje grua te martuar qe prinderit e kane perjashtuar nga e drejta e pronesise. E perfaqeson ne gjykate sepse sic do zakoni i asaj zone vajza nuk mund te kete te drejten mbi token . Turp edhe ky ! Do ta ngreme si ceshtje me thote sepse eshte problem ne shume fshatra. Dhe i jap fjalen qe “po” patjeter qe “po”. Por derisa ajo gruaja apo grave tu kaloje turpi e te flasin do duhet te presim pavaresisht se edhe kjo eshte dhune. Per te ardhur tek vrasja e fundit, Desi !!.
Mbreme per nje ore fola ne telefon me Silvanen , eshte nje nga ato grate guximtare ne polici qe e do fort punen qe ben. Te dyja ishim te trishtuara. E pyeta ku deshtuam kesaj radhe Silva? Desi i njihte ligjet si ka mundesi e pyeta? Silva mu pergjigj : ah sikur te mos ishte terhequr nga urdheri i mbrojtjes. Dhe te mendosh qe para ca diteve Silva me tha : Nila ka me pak krime, grate po denoncojne, grate jane ndergjegjesuar. Me Silven flas shpesh dhe ajo me nxit te inkurajoj cdo kend qe te kuptoje se ku duhet te drejtohey dhe te mos dorezohet. Eshte e rendesishme , Mos te dorezohen. Po cte them me, edhe Desi u vra . Si Dija . Si Vera. Si Natasha. Si …. Maria ( Mariana ) e mbani mend . 14 vjece , u vra ne are nga i ati sepse nuk deshi te ruante bagetite e per kete i ktheu fjalen. Ne u mblodhem atehere dhe ndezem nje qiri per te. Protestuam. Per ti thene asaj dore qe ta shkaterron dhe te merr jeten: MOS!