Paraditen e sotme, u përcoll për në banesën e fundit Hajrie Osmanaj, motra e vetme e ish kryeministrit Sali Berisha. Ceremonia mortore u zhvillua në varrezat e Sharrës, ndërsa binte në sy edhe mungesa e kryetarit të Partisë Demokratike, Lulzim Basha.
Nuk dihet motivi i mospjesmarrjes së Bashës në këtë moment të vështirë për familjen Berisha, por lideri i PD prej 1 muaji është “zhdukur” duke mos u shfaqur në asnjë media apo aktivitet politik. Boldnews.al mëson se Basha është përfaqësuar në këtë varrim nga vëllai i tij, Erlind Basha.
Ndërkohë, pavarësisht mungesës së Bashës, të pranishëm ishin pothuajse të gjitha figurat politike të Partisë Demokratike, që nga Tritan Shehu, Edi Paloka e deri tek vajza e Azem Hajdarit, Rudina Hajdari.
Në sy ra prezenca e Prokurorit të Përgjithshëm Adriatik Llalla në këtë ceremoni mortore si dhe ajo e kryetarit të Partisë Republikane, Fatmir Mediu.
E pranishme ishte edhe zëdhenësja e ish kryeministrit Berisha, Erla Mëhilli e shoqëruar nga bashkëshorti Keltis Kruja. Ndërkohë nuk munguan as një nga familajrët, përfshirë këtu edhe të fejuarën e Shkëlzen Berishës, Armina Mevlani.
Ndër personazhet jopublik, spikati Sali Lusha, ish bodyguardi i Sali Berishës përgjatë viteve 1997-2002.
Boldnews.al
