Përpara mbledhjes së Kryesisë, kryetarja e Lëvizjes Socialiste për Integrim Monika Kryemadhi ka përsëritur se kjo forcë politike ka përgjegjësi akoma më të madhe tani që është në opozitë.
Kryemadhi u shpreh se mazhoranca e dalë nga zgjedhjet e 25 qershorit është fiktive, pasi procesi nuk ishte i rregullt. Ajo kritikoi gjithashtu Partinë Demokratike për rolin e saj opozitar.
“Mazhoranca e dalë nga zgjedhjet e 25 qershorit është një mazhorancë fiktive. Vota e demokracisë është goditur rëndë në mënyrë të strukturuar. Kërkoj nga të gjithë ju angazhimin maksimal për t’iu përgjigjur përgjegjësisë më të madhe politike që LSI ka patur ndonjëherë”, u shpreh Monika Kryemadhi.
Në Kryesinë e LSI do të merren vendime për rolin dhe aksioni opozitar të kësaj partie në parlamentin e ri që do të nisë në shtator. Pas mbledhjes së Kryesisë, LSI do të njoftojë për vendimet që do të merren.
