Mero Baze, një gazetar i cili pretendon se është “ajka” e tregut mediatik, duket se e ka përdhosur sëtepërmi këtë profesion. Teksa dhjetëra qytetarë protestonin një ditë më parë kundër ndërtimit të pallateve tek ish Parku i Autobusëve, disa media nuk e pasqyruan fare si ngjarje.
Por më e turpshme është kur një media e publikon si lajm dhe më pas e fshin menjëherë pasi preken interesa të caktuara. Kjo ka ndodhur me gazetën “Tema”, të Mero Bazes, ku fillimisht ka publikuar në orën 21:41 lajmin e protestës së banorëve kundër ndërtimeve tek ish Parku i Autobusëve. Pa kaluar as 2 minuta, lajmi është fshirë menjëherë ndërsa rasti në fjalë është denoncuar në facebook nga Organizata Politike.
Kjo gazetari e përdhosur nga pushteti, e cila lëpin çdo kockë që i japin, ka shkatërruar këtë profesion deri në palcë. Një media e cila mund të jetë e kapur nga politika dhe oligarkët, kurrësesi nuk mund të errësojë sytë duke fshehur një ngjarje kaq të rëndë, por kurrësesi nuk mund të bëhet pjesë e abuzimit duke fshirë një të vërtetë.
Në fakt, vetëmohimi i gazetës “Tema” e ka një shpjegim. Djali i Mero Bazes, Aldioni, është një i punësuar pranë Bashkisë së Tiranës dhe ku jo pak herë shihet përkrah Erion Veliajt. Pushteti është shtrirë thellë në media për të kapur çdo zë kundër.
Kjo është gazetaria që ka prodhuar deri tani Mero Baze…t’i shërbesh politikës edhe kur bën krime, për të marrë ndonjë benefit. Por nga ana tjetër, këta gazetar të shitur, kurrësesi nuk do ta kuptojnë sesa të pabesueshëm dhe të neveritur do të bëhen nëse një ditë do të sulmojnë ata pushtetar, që deri sot kanë interesa. Dhe kjo ka ndodhur jo pak herë me Meron…
Më poshtë lajmi i fshirë nga “Tema”
