Furtuna në Shëndetësi/ Shkarkohen drejtorët miliantë të Spitaleve, zëvendësohen me mjekë

Ministri teknik i Shëndetësisë, Arben Beqiri, ka nisur prej disa ditësh shkarkimet e disa prej drejtuesve të Spitaleve kryesore në vend, të zgjedhur kryesisht nga partitë politike.

Në heshtje, Beqiri i ka zëvendësuar këta drejtorë “militantë”, me mjekë profesionistë, të cilët kanë një eksperiencë të gjatë në fushën e mjekësisë.

Kështu, në Spitalin e Beratit është shkarkuar Idlir Frashëri, i emëruar nga Lëvizja Socialiste për Integrim, ndërkohë që vendin e tij e ka zënë Arqile Vasili, një mjek profesionist obsteter gjinekolog.

idlir frasheri

Në Spitalin e Gjirokastrës është shkarkuar Krenar Kulla i cili vinte nga radhët e Lëvizjes Socialiste për Integrim. Në vend të tij është vendosur Përparim Muço, një mjek kardiolog.

19145879_1545398282151056_7193812736453358557_n

E njëjta situatë ka ndodhur edhe në Spitalin e Tepelenës, ku  është emëruar Stoli Selmani, një neuropsikiatre. Ndërsa në Spitalin e Librazhdit është vënë Ismet Shata, me profesion kardiolog.

LEXO EDHE  Covid-19, si mund të jetë një valë e dytë/ Ja ç´thotë raporti i Forumit Ekonomik Global

Arsyet kryesore të shkarkimeve nuk ka qënë vetëm pjesmarrja në fushatë zgjedhore por edhe abuzimet e konstatuara nga Ministria e Shëndetësisë përmes grupeve të kontrollit në terren.

Duke qënë se Ministri Beqiri është një kirurg i njohur në vend, ai ka menduar që emërimet e reja në krye të Spitaleve, të vijnë nga bluzat e bardha. Kjo, pasi, mjekët janë të parët ata që mund të evidentojnë problematikat kryesore të një spitali.

Në një kohë që të gjithë janë të fokusuar te fushata zgjedhore, Ministri i Shëndetësisë duket se ka nisur reformat e para në shëndetësi.

Boldnews.al


PËRGJIGJU

Please enter your comment!
Please enter your name here