Aleanca Popullore shpreh shqetësimin për rritjen e tensionit politik dhe akuzave në ditët e fundit të fushatës zgjedhore. Duke ndjekur sjelljen shtetërore e politike të aktorëve kryesorë, Aleanca Popullore vlerëson se paktet që i mbivendosen ligjit nuk mund të arrijnë krijimin e standardeve e kushteve për zgjedhje të lira e të ndershme.
Aleanca Popullore dënon dhunën, pavarësisht formave të shfaqjes së saj. Ne dënojmë imponimin me forcën e pakteve të errëta, dhunimin fizik apo presionin verbal të kujtdo dhe ngado që vjen.
Aleanca Popullore beson se vetëm zgjedhjet në kushte të barabarta për të gjithë dhe ku vullneti i votuesve ka vlerë do të mund të krijojnë qeverisje të mirë për qytetarët.
Aleanca Popullore beson se ndëshkimi i klasës politike meriton një VOTE KUNDER më 25 qershor.
VOTO KUNDER në FLETEN e VOTIMIT për t’i thënë JO pengmarrjes së shtetit dhe qeveribërjes nga partitë.
VOTO KUNDER në FLETEN e VOTIMIT për t’i thënë JO pazareve politike që dalin mbi ligjin.
VOTO KUNDER në FLETEN e VOTIMIT për t’i thënë JO zgjedhjeve të pandershme.
VOTO KUNDER në FLETEN e VOTIMIT për t’i thënë JO varfërisë, drogës e krimit.
VOTO KUNDER në FLETEN e VOTIMIT për t’i thënë JO politikës së korrupsionit e zhvatjes.
VOTO KUNDER në FLETEN e VOTIMIT për të mos e mbytur shpresën se Shqipëria bëhet.
