Kryetari i PD-së, Lulzim Basha nuk i ka kursyer akuzat për Fatmir Xhafën, i zgjedhur nga kryeministri Rama në krye të Ministrisë së Brendshme. Ai e ka etiketuar Xhafën si torturues, dhe sfidoi kryeministrin që të dilte ta mbronte.
“Fatmir Xhafaj torturoi të rinjtë e Krujës se pinë raki kur vdiq Enverin, Adem Sulën në birucë. Tani s’po del nga shtëpia se ka frikë se e pyesin gazetarët”,- tha Basha duke iu drejtuar Ramës me fjalët: “Dil pra mbroje, mos u fshi skutave”.
Me tone të ashpra, lideri i opozitws e ka këshilluar kryeministrin të merrte sa më shume ilaçe gjatë natës, pasi do t’i duhen, tashmë që Basha shprehet se do ta largojë. “Merr pak më shumë ilaçe e mos bëj broçkulla gjatë natës, paketo valixhet largohu, hapi rrugë qeverisë teknike…”,- u shpreh kryedemokrati.
Më tej, Basha komentoi edhe “grindjet” mes koalicionit PS-LSI, duke e quajtur LSI-në patericë të Ramës, “këtij këtu”,- tha Basha, duke drejtuar gishtin nga Kryeministria.
