Klodi Hoxha, njëra prej studenteve që akuzohet se goditën me vezë Kryeministrin Rama më 2 Nëntor 2015, ka ironizuar në Facebook dënimin e parashikuar për 60 orë punë vullnetare ndaj tyre me “punën vullnetare më të madhe për publikun”, që sipas saj është gjuatja e Ramës me vezë.
Incidenti, 2 Nëntor 2015:
Një grup studentësh goditën me vezë Kryeministrin Rama, kur po dilte nga ambientet e Fakultetit të Shkencave Sociale në Tiranë ku ai mbajti një aktivitet me biznesin e vogël, si revoltë ndaj ligjit për “Arsimin e Lartë”, i cili sipas studentëve rëndonte xhepat e tyre. Pas ngjarjes, 8 studentët u shoqëruan në polici, për tu liruar disa orë më pas, por studentët u ankuan për përdorim dhune ndaj tyre nga punonjësit e Gardës së Republikës. Më pas u vendos që këta studentë të procedoheshin penalisht në gjendje të lirë, për kundërshtim të forcave të rendit.
