Kreu i Partisë Demokratike Lulzim Basha ka sqaruar ultimatumin e dhënë për policinë e Fierit.
Basha denoncoi ditën e sotme nga ‘çadra e lirisë’ dhunimin e dy vajzave nga persona të paidentifikuar nga policia, pasi kishin marrë pjesë në protestën e PD-së me 18 shkurt.
“Pasoja ligjore, politike, pasojat e mosbindjes civile. E paligjshme është kur policia mbron kriminelin, kur shteti, qeveria, Kryeministri shkel Kushtetutën, ligjet. Kur policia bëhet njësh me banditin, atëherë qytetarët marrin në dorë fatin e tyre. Kjo nuk është më qeveri e ligjshme por tirani.
Tiranitë përballen me vullnetin e qytetarëve. Thirrja ime për ata oficerë të ndershëm të policisë është të zbatojnë ligjin. Sot nuk po zbatojnë ligjin me urdhër politik. Njihet agresori, dihet që është porositur politikisht. Siç u porosit personi që dhunoi Spahiun, ashtu dhe aktivistët e PS për të bërë diversionin me protestuesit e Zharrzës. Provokime nuk pranojmë dhe nuk do të pranojmë.”, tha Basha./Ora News
