Një punonjës i Forcave të Ndërhyrjes së Shpejtë (FNSH) është ndaluar sot nga SH.Ç.B.A. pasi dyshohet për vepra prenale si “Shpërdorim detyre” dhe “Përkrahje të autorit të krimit” në lidhje me favorizimin e kultivuesve të hashashit.
45-vjeçari Ardjan Loci punonte si shofer tek FNSH Shkodër. Shërbimi për Çështjet e Brendsme dhe Ankesat ekzekutoi vendimin e Gjykatës Shkodër për arrestimin e këtij shtetasi, ndërsa vendimi i gjykatës u mor pas kërkesës së Prokurorisë, e cila në bashkëpunim me SH.Ç.B.A. kishte nisur një hetim për favorizimin e kultivuesve të kanabisit në zonën e Dukagjinit.
