Tre persona janë arrestuar nga policia, teksa ishin duke kërkuar treg për të shitur një sasi kanabisi.
Të arrestuarit janë: Nikoll Prenga, 33 vjeç, banues në Lezhë; Marjan Ndoj, 22 vjeç, banues në Lezhë dhe Ndue Përduka, 24 vjeç, banues në Mirditë.
Sipas policisë këta 3 persona në bashkëpunim me njëri tjetrin, janë konstatuar në fshatin Fan në Mirditë, me 3 pako të mbushura me lëndë të dyshuar narkotike kanabis sativa, në peshë totale 35 kilogramë, të paketuara gati për shitje.
Pas arrestimeve dosja i ka kaluar Prokurorisë së Lezhës për akuzën e “Prodhim dhe shitje e lëndëve narkotike”.
Operacioni Pritja ne Lezhe – Kapet droge by news-al
