Një qen i Guardia Di Finanza-s italiane ka zbuluar 1 kg kokainë në automjetin e një 34-vjeçari shqiptar në Bolzano.
Sipas mediave makina me targa italiane u ndalua nga policia në zonën industriale të qytetit. Por sjellja shumë nervoze e shoferit me iniciale E.B. dhe përgjigjet e paqarta shtuan dyshimet për të thelluar kontrollin ndaj tij, edhe nëpërmjet ndërhyrjes së qenit antidrogë.
Pas kontrollit edhe në shtëpinë e shqiptarit, u gjetën 1.000 euro të falsifikuara dhe 7 telefona celularë.
Shqiptari paraditen e sotme u dënua me katër vjet e gjashtë muaj burg.