E kishim parë fillimisht në nëntor me barkun e fryrë, teksa shoqërohej nga partneri i saj, dhjetë vjet më i ri, por kopertina e fundit ku është shfaqur, e konfirmon plotësisht shtatzëninë. Këngëtarja britanike, 33-vjeçare, është në pritje të fëmijës së parë, i cili, duke gjykuar nga barku, do lindë së shpejti.
Cheryl Cole është shfaqur në kopertinën e Daily Mirror, e cila do të dalë në shitje nesër. Cole është në një histori dashurie me këngëtarin e One Direction, Liam Payne. Ata janë njohur fillimisht kur ai merrte pjesë në X Factor dhe ishte vetëm 14 vjeç në vitin 2008 dhe ajo ishte anëtare jurie. Dy vjet më vonë ai u rikthye me grupin One Direction.
Cheryl ka qenë e martuar me Ashley Cole në vitet 2006-2010 dhe vitin e kaluar para se të niste historinë me Liam-in, u nda nga partneri francez.
Tashmë ata presin të bëhen prindër për herë të parë. Në kopertinën “Cheryl dhe barku” nuk zbulohet gjinia e fëmijës.
