Deputeti Ben Blushi nga foltorja e Kuvendit, teksa akuzoi qeverinë se takson më shumë “trurin se dhjamin” dhe për koncesionet e naftës, në replika e sipër me deputetin socialist Erjon Braçe, me ironi i drejtoi këtij të fundit edhe një gjëegjëzë.
“Kam edhe një përgjigje për ty meqë thoke se unë merrem me llafe. Unë jetoj duke shkruar, ti jeton duke folur. Po të tregoj një gjëegjëzë. Unë kam një mace, ta fal ty, macja kafshon rastësisht Taulant Ballën, meqë ti e përkedhel shumë. Kush e ka fajin, unë, ti, Taulanti, apo macja? Ishalla e ke një përgjigje për mua”, tha Blushi, i cili mesa duket nuk e mori seriozisht edhe replikën që i bëri Erjon Braçe për karahasimin mes protestës së PD dhe grevës së urisë 7 vite më parë.
Braçe: Kur vij këtu në sallë vajzën e coj në shkollë, që dmth se mendoj që mund te merrem me argumente burrash, për gjëegjëzat në orën 3 e gjysmë kur të kthehet vajza nga shkolla mund te te kthej nje pergjigje”, tha ai.
“Unë s’kam marrë asnjëherë tollona nafte nga Rezart Taçi. S’i kam shkuar asnjëherë në zyrë, për asnjë qëllim. Por të vish këtu e të thuash që ARMO është privatizuar nga kjo qeveri, është turp!”, tha Braçe, duke i thënë Blushit që të mos hedhë baltë mbi qeverinë pa lexuar njëherë në jetë ligjet.
“Nevoja për karrierë personale ku prodhohen llafet nuk sjell asnjë ndryshim. Kur vjen këtu pas llafeve pafund, nuk ka asnjë funksion brenda.
Për gjithë ata që janë marrë me naftën më tregoni një koncesion si ajo kontrate me ate plan zhvillim që legjitimoi ate teknologji që shkakton ato tërmete te tmerrshme në Patos-Marinzë. Dilni ketu dhe thoni që kjo qeveri i ka dhënë Erjon Braçes koncesionin. A po thoni republikë konçesioni? Tregojini shqiptarëve një vendimmarrje të këtij lloji.
Ata kanë gjetur 18 mijë vetë që janë menaxherë bankash, kompani sigurimi, nafte, që paguhen shumë mirë, që kanë rroga tejet të larta. Me këtë histori thonin se këta mbrojnë rrogat e 18 mijë njerërzve. Ndërkohë që kjo qeveri mbron rrogat e të gjithë atyre që punojnë në punët e thjeshta. E të akuzohesh se mbron rrogat e 18 mijë menaxherëve kjo nuk ka kuptim.
Nuk e ka në ADN kjo parti të vjedhë vota, nuk ka bërë të mundur votën përmes vjedhjes. Kush ka frikë nga përballja mund të hedhë baltë nga mëngjesi deri në mbrëmje. Është shumë më e thjeshtë që me alternativën tënde të përballesh me cilindo. Nuk i fiton njerëzit me baltë, asnjëherë. Kurrë në botë nuk të ndjek njeri pas ngaqë ti shan dikë, por vetëm duke të besuar.
Thonë që për Zharrzën fajin e ka kjo qeveri. Është e rremë. T’i mohosh banorëve të Zharrzës çka ndodhur në marrëveshjen e 2009-ës, duke akuzuar këtë qeveri është e pavërtetë. Tu thuash se kjo qeveri nuk po bën asgjë kur kjo qeveri është në përballje me Bankers është e pavërtetë. Një deputet që foli dje, duhet t’i thotë shqiptarëve që vetë ai paguhet nga Bankers” tha deputeti i PS.