Kryetari i Partisë Demokratike Lulzim Basha ka bërë thirrje që Departamenti Amerikan i Shtetit t’u heqë vizat Kryeministrit Edi Rama dhe ministrit të Brendshëm Saimir Tahiri.
“Ka ardhur kohë që të hiqen vizat për Edi Ramën dhe Tahirin. Ata bien ndesh me ligjet e SHBA-së”, deklaroi Basha gjatë emisionit “Opinion”.
Sipas Bashës, vizat për Ramën duhet të hiqen për shkak se ka ndikuar në fushatën amerikane të ish-Presidentit Barack Obama duke dhuruar 80 mijë Dollarë përmes Bilal Shehut, e në këtë mënyrë ka shkelur ligjin amerikan.
Ndërsa për ministrin e Brendshëm, Lulzim Basha u shpreh se Saimir Tahirit duhet t’i hiqet viza për shkak të trafikut të madh të drogës në vend.