Në prag të Botërorit të Formulës 1, që do të nisë më 26 mars me Çmimin e Madh të Australisë, Renault është skuadra e parë që bën prezantimin zyrtar të makinës së saj.
Pilotët e Renault për këtë sezon do të jenë Nico Hulkenberg dhe Jolyon Palmer.
Mësohet se Renault ka bërë investime të rëndësishme te makina e re, telajo e së cilës dominohet nga ngjyra e verdhë dhe ajo e zezë. Për këtë sezon, objektivi i skuderisë franceze është që të arrijë të ngjitet në podiumet e garave dhe të mbyllë kampionatin në vendin e pestë.
