Lulzim Basha i ftuar në emisionin “Komiteti” ka deklaruar se nuk do të futet në zgjedhje me LSI në koalicion, pasi kjo forcë politike ka qenë pjesë e qeverisjes dhe do të mbajë barrën e përgjegjësisë për gjithçka ka ndodhur në këtë periudhë. Sipas liderit të opozitës, LSI do të përgjigjet para shqiptarëve për këto 3 vite e gjysëm bashkëqeverisje me PS.
Basha u shpreh se koalicioni parazgjedhor përfshin rreth 25 parti, me të cilat mendon se do të futet edhe në garën elektorale. Sipas Bashës, do të mirëpritet çdo parti që ndan të njëjtat vlera, program dhe zgjidhje me PD, për Shqipërinë dhe shqiptarët.
