Operatorët që ofrojnë shërbimin e transportit urban në Tiranë thonë se reforma e ndërmarrë në këtë sektor dhe kryesisht implementimi i biletës elektronike, shton kostot për ta.
Përfaqësuesi i Shoqatës së Transportit Qytetas, Ervin Shijaku, pas lançimit të masave të marra nga Bashkia e Tiranës, në një intervistë për TV SCAN thekson se në këto kushte, operatorët do të jenë të detyruar të kërkojnë rritje të çmimit të biletës urbane.
Propozimi i operatorëve është konkret, duke tentuar që bileta të shkojë rreth 70 lekë, nga 40 që është aktualisht.
Sakaq Bashkia e Tiranës ka premtuar se kjo reformë, që përfshin rritje të cilësisë së shërbimit, shtimin e flotës së urbanëve, rinovimin e mjeteve, implementimin e biletës elektronike, nuk do të sjellë kosto të shtuara për qytetarët.
https://www.youtube.com/watch?v=0t9iqwtmcR8
