“Kjo kërkesa për zgjedhje të reja të ndershme nga të pandershmit, që janë në fakt dhe kampionët e dhunimit të votës, më ngjan si ajo puna e k…vës që s’pranon se ka pas marrëdhënie me asnjë më parë!”.
Kështu është shprehur deputeti i PS –së edhe pse ditën e djeshme kryeministri Rama i porositi deputetët të respektojnë protestën e opozitës, duke mënjanuar çdo përçmim për protestën dhe protestuesit. Por, mesa duket deputeti socialist Pjerin Ndreu nuk është përmbajtur dot.
Ai ka shpërthyer me një reagim kundër protestës që kërkon zgjedhje të lira e të ndershme të garantuara nga një qeveri teknke, pas rrëzimit të Ramës. Më tej ai tha se Berisha dhe derivatët e tij janë hajdutë.
“Në sy të shqiptarëve në zgjedhje janë shpërfytyruar e identifikuar si hajdutë, S. Berisha dhe derivatet e tij. Ndërsa Luli, bukë e kos ha, sepse vjedhin të tjerët që të rritet ai!”, shkruan Ndreu.
