Ish –deputeti i Partisë Socialiste në Lezhë është sulmuar nga persona ende të paidentifikuar ditën e sotme.
Aktualisht nënkryetar i Qarkut të Lezhës, Agustin Markun është goditur me shklema e grushta. Sipas njoftimit të policisë ngjarja ka ndodhur dje, teksa Marku ka dalë nga një kafene në Lezhë.
Marku ishte vetëm kur dy persona e kanë goditur me shqelma dhe grushte. Ngjarja konfirmohet edhe nga Policia e Lezhës, por Marku nuk ka bërë kallëzim për këtë. I kontaktuar nga “Panorama”, Agustin Marku konfirmon incidentin, por thotë se nuk ka dijeni për personat që e kanë bërë dhe për motivet.
Dy të rinjtë e shpallur në kërkim janë nipat e ish¬deputetit socialist Arben Ndoka. Sipas burimeve, ata janë Klajdi dhe Samuel Aleksandër Ndoka, të dy banues në Lezhë.
NJOFTIMI I POLICISË
Më datë 20.02.2017, u referuan materialet hetimore në Prokurorinë e Rrethit Gjyqësor Lezhë dhe punohet për kapjen e shtetasve: K.N. 21 vjeç dhe S.N. 18 vjeç, të dy banues në Lezhë. Këta 2 shtetas dyshohet se rreth orës 13:30, në lagjen “Skënderbeg” të qytetit Lezhë, para një lokali, për motive të dobëta kanë goditur me mjete të forta, shtetasin A.M. 54 vjeç, banues në Lezhë, me detyrë N/Kryetar i Këshillit të Qarkut Lezhë. Pas ndihmës së nevojshme mjekësore në Spitalin Rajonal Lezhë, shtetasi A.M. ndodhet jashtë rrezikut për jetën. Materialet procedurale për dy vëllezërit u referuan Prokurorisë së Rrethit Gjyqësor Lezhë për veprat penale “Kanosja”, “Dëmtime të tjera me dashje” dhe “Goditje për shkak të detyrës”
